(495) SOUS LE RÈGNE DE CHARLES VI. 255

Item, la dicte madame Alips de Cournon voult et ordonna, elle alée de vie àtrespassement, son corps estre enterré et mis en garde en l'eglise des Freres Mineurs à Paris, et que en la fin de l'an son corps ou ses ossemens soient portez en l'eglise des Cordeliers au Puy en Velay, pour illec estre enterrée avecques le dit feu monseigneur Lambert, jadis seigneur du Godet, son mary.

Item, la dicte testaterresse voult et ordonna que en la dicte eglise des Freres Cordeliers du dit du Puy soit fondée une chapelle ou vicairie, la où son corps reposera, en l'onneur de la Vierge Marie etde monseigneur saint Acasse, martir; en laquelle chapelle ou vicairie les diz Freres Cordeliers et leurs successeurs Freres Cordeliers ou dit convent seront tenus à tousjours chanter trois messes chascune sepmaine pour le salut et remede des ames d'elle, de son dit feu mari, parens et bienfaicteurs. Et pour icelle chapelle ou vicairie douer et fonder icelle testaterresse donna et laissa au convent des diz Freres Mineurs au dit lieu du Puy dix livres Tournois de rente annuelle et perpetuelle, à les avoir et prendre chascun an par les diz Freres Mineurs et leurs successeurs, freres au dit convent du Puy, en et sur tous les biens et heritaiges d'icelle testaterresse.

Item, la dicte madame Alips de Cournon laissa et donna par droit de institucion et hoirie à madame Marquise du Godet, sa fille, femme de noble homme, monseigneur Hugues Daulphin, chevalier, la somme de dix livres Tournois pour tout le droit qui lui povoit et porroit competer et appartenir par quelque droit, tiltre ou cause que ce soit, en tous les biens et succession d'icelle testaterresse, et que pour ycelle somme de dix livres Tournois qui lui sera baillée pour une fois tant seulement, icelle madame Marquise soit contentée, sans ce que jamais elle puisse riens demander es biens de la dicte testaterresse, ne en ses possessions quelxconques.

Item, la dicte testaterresse laissa au convent des Freres Mineurs de Paris dix livres Tournois, pour une fois tant seulement, pour ung anniversaire au retour qu'ilz seront tenus de faire chascun an, à tel jour comme elle sera enterrée en leur dicte eglise.



	(495) SOUS LE RÈGNE DE CHARLES VI. 255 Item, la dicte madame Alips de Cournon voult et ordonna, elle alée de vie àtrespassement, son corps estre enterré et mis en garde en l'eglise des Freres Mineurs à Paris, et que en la fin de l'an son corps ou ses ossemens soient portez en l'eglise des Cordeliers au Puy en Velay, pour illec estre enterrée avecques le dit feu monseigneur Lambert, jadis seigneur du Godet, son mary. Item, la dicte testaterresse voult et ordonna que en la dicte eglise des Freres Cordeliers du dit du Puy soit fondée une chapelle ou vicairie, la où son corps reposera, en l'onneur de la Vierge Marie etde monseigneur saint Acasse, martir; en laquelle chapelle ou vicairie les diz Freres Cordeliers et leurs successeurs Freres Cordeliers ou dit convent seront tenus à tousjours chanter trois messes chascune sepmaine pour le salut et remede des ames d'elle, de son dit feu mari, parens et bienfaicteurs. Et pour icelle chapelle ou vicairie douer et fonder icelle testaterresse donna et laissa au convent des diz Freres Mineurs au dit lieu du Puy dix livres Tournois de rente annuelle et perpetuelle, à les avoir et prendre chascun an par les diz Freres Mineurs et leurs successeurs, freres au dit convent du Puy, en et sur tous les biens et heritaiges d'icelle testaterresse. Item, la dicte madame Alips de Cournon laissa et donna par droit de institucion et hoirie à madame Marquise du Godet, sa fille, femme de noble homme, monseigneur Hugues Daulphin, chevalier, la somme de dix livres Tournois pour tout le droit qui lui povoit et porroit competer et appartenir par quelque droit, tiltre ou cause que ce soit, en tous les biens et succession d'icelle testaterresse, et que pour ycelle somme de dix livres Tournois qui lui sera baillée pour une fois tant seulement, icelle madame Marquise soit contentée, sans ce que jamais elle puisse riens demander es biens de la dicte testaterresse, ne en ses possessions quelxconques. Item, la dicte testaterresse laissa au convent des Freres Mineurs de Paris dix livres Tournois, pour une fois tant seulement, pour ung anniversaire au retour qu'ilz seront tenus de faire chascun an, à tel jour comme elle sera enterrée en leur dicte eglise.